lunes, 28 de marzo de 2011

Cartafol de recursos para embarazadas para animar a usar o galego na comunicación familiar

Cartafol de recursos para embarazadas para animar a usar o galego na comunicación familiar


Xeración dos Axóuxeres
Animar os pais e as nais a introducir o galego na comunicación cos seus fillos e fillas desde os primeiros momentos. Ese é o principal obxectivo do cartafol Xeración dos Axóuxeres, unha iniciativa da SXPL que está pensada para acompañar as mulleres e as súas parellas durante o derradeiro tramo do embarazo


A Secretaría Xeral de Política Lingüística distribuirá, a través dos centros de saúde, 10.000 exemplares dun cartafol de recursos entre todas as embarazadas que se atopen no terceiro trimestre de xestación.

O cartafol Xeración dos Axóuxeres consiste nunha compilación de materiais divulgativos nos que se ofrecen recursos para a incorporación da lingua galega desde o plano afectivo, con argumentos e recursos prácticos. No disco No colo da fala, producido por Xabier Díaz e Guillerme Fernández, ofrécense cancións para que os pais e nais poidan escoitalo cos seus fillos e fillas e mesmo aprender as nanas para cantárllelas eles/as mesmos/as.

Tamén se inclúe unha tarxeta onde anotar os momentos especiais vividos durante o embarazo, un repertorio de recitados e de xogos de iniciación que os pais e nais poden compartir cos pequenos da casa, unha escolma de nomes galegos, un adhesivo para o coche e un babeiro que convida a grandes e pequenos a botarse a falar galego co lema “Comer e falar todo é empezar!”.

Axóuxeres na rede: un espazo para a participación das familias
A secretaría xeral habilitou o espazo webhttp://www.xunta.es/linguagalega/xeracion_axouxeres para que todas as familias con bebés poidan acceder aos materiais que se inclúen no cartafol. Ademais, enhttp://www.xunta.es/linguagalega/construe_os_axouxeres_connosco, os pais e as nais tamén poden compartir experiencias vividas na crianza dos seus fillos e fillas: as anécdotas máis divertidas na aprendizaxe da lingua, os nomes cariñosos que empregaban os avós e as avoas para se dirixiren aos netos, as súas preguntas máis curiosas ou os libros en galego que máis lles gustan son as temáticas que vertebran este espazo participativo.



CTNL Coordinadora de Traballadores/as de Normalización da Lingua

No hay comentarios:

Publicar un comentario